Bondage of the Mental Growth

༼ལྐུག་པའི་སྣང་བ་གང་ཤར༽

༄༅།། །། འོ་་ཡ་་་་་་་ རླུང་ཚོགས་པའི་གྱང་མེད་ལ་བློ་གསང་ཚུགས་པའི་སྣོད་དཀའ་བས་ སེམས་བསམ་པའི་གཏིང་ནས་ཐོན་པའི་སྙིང་གཏམ་ཚོ་ བསྔགས་བརྗོད་ཀྱི་མེ་ཏོག་གཏོར་བཞིན་བཤད་ན་ རང་ལ་མིང་གི་རྣམ་གྲངས་མ་འདྲཝ་་་་་་་་་འཇམ་དབྱངས་ཆོས་འཕེལ། བསྐལ་བཟང་ཚི་རིང་། ངག་དབང་ཆོས་གྲགས། བཅས་གྲངས་མང་ཡོད་ཀྱང་དོན་ལ་ངོ་བོ་གཅིག་མིང་གི་རྣམ་གྲངས་ཡིན་ལ་ གཟུགས་འཛིན་གྱི་མེ་ལོང་ལྟ་བུ་ སྐྱིད་སྡུག་འདྲེས་མའི་ལོ་རྒྱུས་ཁྲ་ལམ་མེ་ གསལ་གྱིལ་ལེ་ རྗེན་ལྷང་ངེར་རེ་ ཡིག་ཆུང་གནག་པོ་གྲལ་དུ་སྦྱོར་ཏེ གཤམ་གསལ་ལྟར་བཀོད་ན།

ཕལ་ཆེར་ལོ་རྒྱུས་དེ་དག་ནི་ རྒྱབ་ཏུ་ངུ་ཤོར་ཞིང་དགོད་བྲོ་བ་དང་ ཡི་མུག་ཅིང་ཞེ་མེར་བ་ བློ་བདེ་ཞིང་སེམས་སྐྱིད་པ་ ཡིད་བག་ཕེབས་ཅིང་ཐུགས་སྤྲོ་བའི་ གསང་བའི་གཏམ་རྒྱུད་དུ་མ་ཞིག་སྦས་ཡོད་པ་ནི་ ཁ་ཡར་དྲག་ལ་ བཤད་འདོད་དང་མིག་མར་བཙུམས་ལ་གླེང་དགོས་པའི་ རེ་བ་གངས་ཀྱི་ཆུ་རྒྱུན་ལྟར་མི་ཆད་པར་མནར་བས་ ད་ནི་བཤད་ཆོག།

ད་བར་དུ་སྐྱིད་སྡུག་གི་ཤུགས་རྐྱེན་ནི་ ཉིན་མཚན་ལོ་ཟླའི་གོམ་འགྲོས་དང་ དབྱར་དགུན་སྟོན་དཔྱིད་ཀྱི་འཁོར་འགྲོས་ ཡར་ངོ་དང་མར་ངོའི་འཕེལ་འགྲིབ་དུས་ཀྱི་ཕོ་ཉའི་ཤུལ་ལམ་དུ་རིམ་ཀྱིས་རྗེས་སུ་འབྲང་བཞིན་ཡོད་པས་ མི་ཚེ་ཀྱི་ལྦ་བ་མཐུག་པོའི་གུར་ ལོ་རྒྱུས་ཀྱི་ཞབས་རྗེས་གསལ་བོ་ཞིག་མི་རྙེད་སྨོས་ཅི་དགོས།

གང་ལྟར་ཡང་ ལོ་ཆུང་བྱིས་པའི་དུས་སུ་ བྱིས་པ་དང་དཔོན་འདྲ་ཞེས་པའི་དཔེ་བཞིན་ སྒོ་ངའི་ནང་གི་སེར་ཐིག་དང་ ཁོག་པའི་དང་གི་སྙིང་ཐིག་ མིག་ནང་གི་ནག་ཐིག་ལྟར་ ཕམ་སྤུན་ཚུས་གཅེས་པར་སྐྱོང་བཞིན་པའི་ཕྲུག་གུ་ཞིག་ཡིན། རང་ནི་ཆུང་དུས་སྣང་མེད་ཀྱི་སོན་བཏབ་ དགའ་བའི་དོར་བསྡེབས་ སྐྱིད་པའི་ཐོང་བཙུགས་ སྤྲོ་བའི་ཆུ་བླུགས་ཏེ་ལང་འཚོའི་དུས་ཚོད་ཀྱི་སྨྱུ་གུ་སྔོན་མོ་ཡིད་དུ་འོང་པོ་ འཁྲུངས་ནས་སྡོད་བཞིན་དུ། མི་ཚེ་ཉེ་འཁོར་གྱི་བརླབ་བྱའི་གཏམ་ཕྲེང་སྨྲ་བ་ལ་ བུ་ཆུང་གི་འགྲམ་པར་འོ་ཞིམ་པོའི་བྲོཝ་མྱོང་བ་ལྟར་ཅི་ནས་ཀྱང་སྙན་པའི་ཚིག་རྣམས་ བརྩེ་བའི་མིག་མཐར་དགའ་བའི་མཆི་མ་འཁོར་བཞིན་བཟང་པོའི་བརླབ་བྱ་ངག་གི་སྒོ་མོ་ནས་རང་ལ་ གསལ་པོར་གསུངས་མཁན་དྲིན་ཆེན་ཨ་ཕ་དང་ཨ་མ་གཉིས་ལའང་དགའ་ཚོར་བསམ་ལས་འདས།

ད་ནི་མདུན་ལམ་གྱི་མི་ཚེ་བསམ་དུས་ སེམས་ནི་སེར་བ་འབབ་འབབ་ སྙིང་ནི་རྦབ་རྡོ་རིལ་རིལ་ གློ་བ་ལུ་གུ་འབའ་འབའ་ མཆིན་པ་ཐོག་རྒོད་ཡར་ཡར་དུ་གྱུར་ཏེ་ རེ་ཞིག་ཅི་བྱ་གཏོལ་མེད་དུ་གྱུར་ཀྱང་ འདུན་བསྐྱོད་ཀྱི་ལམ་དུ་དོན་སྙིང་ལྡན་པའི་གོམ་པ་རེ་སྤོ་བ་ནི་ རྒྱ་མཚོར་འཇུག་པའི་གྲུ་རྫིངས་དང་འདྲ་བར་ སྐབས་རེར་རླུང་ཞི་ཞིང་རླབས་འཇགས་པ་དང་ སྐབས་རེར་གནམ་ས་འོག་བསྒྱུར་པའི་རྦ་ཀློང་དྲག་པོའི་ཁྲོད་དུ་ཞུགས་ཏེ་ འཆི་བ་སྲོག་ལ་ཐུག་པའི་གནས་སྟངས་ལྟ་བུ་དང་འཕྲད་ཀྱང་ རང་ནི་ས་མཐར་འཁྱམས་མ་དགོ་པར་འགྲོ་སའི་ལམ་དང་འཛུལ་སའི་ཁུང་སྟོན་ཞིང་ ལམ་ཁྲིད་མཛད་པ་པོ་དྲིན་ཅན་གྱི་ཕམ་ཡིན་པས་ ཤིན་ཏུ་ནས་བཀའ་དྲིན་ཆེ།

ལས་ཀ་དང་བྱ་བ་ལ་དུངས་པའི་འདུན་མ་སྔོན་དུ་བརྫངས་ཏེ་ གནས་ཡུལ་འདིར་སླེབས་པ་ནི་ ལོ་ལམ་ཟླ་དང་ ཟླ་ལམ་མཚན་གྱིས་བཅད་དེ་ བླ་སློབ་རྣམས་ཀྱིས་ལེགས་པའི་ཡོོོན་ཏན་རྒྱས་པར་བཤམས་པའི་འགྲལ་དུ་འབྱོར་བས་ མིག་ལ་མཆི་མ་འཁྲིགས་པའི་བདེ་སྐྱིད་དང་ ལུས་ལ་བ་སྤུ་གཡོ་བའི་དགའ་སྤྲོ་མྱོང་ཡོད་པས་ བསྐལ་ལྡན་ལས་འཕྲོ་ཅན་རང་གིས་དད་དམ་གཙང་མའི་མོ་གུས་ཀྱི་མེ་ཏོག་བཞད་དེ་ བཀའ་སྤྱད་འཁུར་ནུས་པའི་སྦྲང་རྩི་ཀྱི་བློ་སྤོབས་སྨིན་པའི་འབྲས་བུ་ཡིན་སྙམ་པའི་སྣང་བ་ཤར་རོ།

འཁོར་བ་པའི་བཙོན་རར་གཏི་མུག་ལྕགས་ཐག་གི་ཨ་ལོང་དེ་ལྟ་བུ་ཞིག་རང་གི་སྐེ་ལ་གོན་ནས་ སྦྲང་རྩིས་འཛིན་པའི་བུང་བ་དང་ རྙི་ལ་ཐེབས་པའི་བྱིའུ་དང་བཙོན་ལ་བཀག་པའི་ཉེས་ཅན་ཞིག་དང་འདྲ་བས་  ཕྱོགས་ལས་རྣམ་པར་རྒྱལ་བའི་བྲག་རི་ལ་ ཚེར་མ་བསྣུན་འདོད་རང་ཉིད་འཕུང་བའི་རྒྱུ་ལྟར་ བཟང་ལས་འོ་མའི་མཚོ་ནང་དུ་ ངན་ལས་ཁྲག་གི་ཐིགས་པ་འཕེན་པ་ནི་ བདག་གཞན་གཉིས་ཀའི་འགྲོ་ལམ་ངན་པས་ ཕན་པའི་ལས་དོན་སྤེལ་བའི་ཆེད་ སྤང་བླང་ཆ་ལ་མི་རྨོངས་ཤིང་ བཟང་ལུགས་ཚུལ་བཞིན་སྐྱོང་ལ་མི་ངལ་བར་ རྣམ་དཀར་དགེ་བའི་ལས་ལ་བརྩོན་ཞིང་ བསྟན་དང་འགྲོ་དོན་ཁོ་ན་ལྷུར་ལེན་འདོད་ཀྱི་དམ་བཅའ་བཅས་ གུས་པ་རང་གི་སེམས་ལ་ཅི་འཆར་ཡི་གེའི་གཟུགས་སུ་བཀོད་པ་ལ་ ནོར་འཁྲུལ་འབྱུང་ན་བཟོད་གསོལ་ཞུའོ།།

The Death in The memory of Living

From outside a death-roll strikes the air

The stink of mourning hangs everywhere

She will scrub the world clean for the new generation

I suppose she look as such a good soul should

She does not need

My name nailed upon the grave

I will not be amazed to face her one day

A light of freedom in my house

Probably tethering my fate for one final time

When her wrath come forth like fire, and burn my hope none to restore

As bare as December tree I would lie stand still

Breast heaving

Eyes staring

I who am but dust and ashes

And to dust I shall return

Death will shine forth until I reincarnate

When the lifespan cry for help, the death hears.