༼རྒྱལ་ཡོངས་དགའ་སྐྱིད་དཔལ་འཛོམས༽
འཇིག་རྟེན་ནོར་གྱི་གཏེར་མཛོད་ནང་།། འདོད་པ་སུ་ཆེ་སྡུག་བསྔལ་ཆེ།། མཆོག་ཤེས་སུ་ལྡན་བདེ་བ་མཆིས།། དགའ་སྐྱིད་བདག་བློའི་སྟེང་ནས་ཤར།། ཟེར་བའི་མངོན་བརྗོད་དང་བཅས་ ཁྱད་པར་འཕགས་པའི་མཐུན་མོངས་དང་འབྲལ་བ་ ཡོད་ན་མཆོག་དང་མེད་ན་ཐབས་ཆགས་པ། ནད་རྒྱ་དང་སྨན་གཅིག་ལྟ་བུ་ བྱང་སེམས་སྤྲུལ་པའི་ཐུགས་ལས་འཁྲུངས་པའི་ དགོངས་གཏེར་འབྱིན་ཅན་བླ་ན་མེད་པའི་ལྟ་བ་བཟང་པོ་ རྒྱལ་ཡོངས་དགའ་སྐྱིད་དཔལ་འཛོམས་འདི་ ད་རེས་ཆོས་འཚིགས་ཀྱི་དབུས་ དཔལ་ལྡན་འབྲུག་པའི་རྒྱལ་ཁབ་ནང་འབྱུང་མི་ལུ་ བསྐལ་ལྡན་ལས་འཕྲོ་ཅན་ག་རའི་ སྤྱི་མཐུན་ཚོགས་རྒྱ་ཆེན་པོ་བསགས་ཡོད་པའི་ རྟགས་དང་བརྟེན་འབྲེལ་བསྒྲིགསཔ་ཨིན།
ཡང་བདག་པའི་ལྟ་བ་འདི་ལུ་ཡོན་ཏན་ནི་ ནམ་མཁའ་ལྟར་རྒྱ་ཆེ་ རྒྱ་མཚོ་ལྟར་ཚད་མེད་ ཆུ་ཀླུང་ལྟར་ཤུགས་ཆེ་ རི་རྒྱལ་ལྟར་བརྟེན་ཏོག་ཏོ་ཡོདཔ་ལས་ ཚེ་ད་རེས་ནད་ཡམས་མུ་གེ་དང་དམག་ཁྲུགས་བཞིས་ དབུལ་ཕོངས་ཀྱི་དཀའ་སྡུག་བསལ་ བཀྲིས་ཕུན་སུམ་ཚོགས་ ཆར་ཆུ་དུས་སུ་བབས་ ལོ་ཕྱུགས་རྟགས་ཏུ་ལེགས་ནི་ཨིནམ་མ་ཚད་ ཚེ་ཕྱི་མ་ མངོན་མཐོ་ལྷ་དང་མའི་བདེ་བ་ མཐར་ཐུག་མྱང་འདས་སངྱས་ཀྱི་འགོ་འཕང་ཐོབ་ཚུགས་པའི་ སྦྱིན་རླབས་མཁོ་ན་ཡོདཔ་ཨིན།
འ་ནི་བཟུམ་གྱི་འབྲས་བུ་ དངོས་སུ་མཚད་མ་སྦེ་སྨིན་དགོ་པ་ཅིན་ ལག་ལེན་དང་ལྟ་བ་ཕྱིན་ཅི་མ་ལོག་པར་ གཡག་ཏོག་གི་རྩ་བཟའ་བ་ལྟར་བརྩོན་ཞིང་ ཟླ་བ་སྤྲིན་འབྲལ་ལྟ་བུའི་འབྲས་བུ་མྱོང་དགོཔ་ཨིན།
དེ་ཡང་ བློ་སླབ་པ་མི་གཙོ།། ཉན་ལ་གཙོ།། ཟེར་གསུངས་ཡོདཔ་བཞིན་ དང་པ་བརྟག་ལ་མཁས་ བར་དུ་བརྟེན་ལ་དགོངས་ མཐའ་མ་ཉམས་སུ་བླང་ལ་བརྩོན་དགོཔ་ལས་ འདི་གི་ཀ་ཆེན་བཞི་ཧ་དགོ་ནི་འདི་ དམིགས་གསལ་གྱི་ཁག་ཆེཝ་ལས་ བཅུད་བསྡུས་སུ་ཅིག་སྦེ་བཤམ་གསལ་བཀོད་ནི་ཨིན།
དང་པ་ སྐད་རིག་དང་ལམ་སྲོལ་ མི་ཉམས་གོང་འཕེལ་དང་ ཉམས་པ་སོར་ཆུད་འབད་ནི་
འདི་ལུ་ ལུང་པ་སོ་སོའི་འགྲོ་ལུགས།། རྒྱལ་ཁབ་སོ་སོའི་བྱ་གཏང་།། ཟེར་སླབ་སྲོལ་ཡོདཔ་བཞིན་དུ་ རྒྱལ་ཁབ་ཆེ་ཆུང་སུ་ཡིན་ཀྱང་།། ཆོས་དང་རིག་གཞུང་བསམ་སྤྱོད་སོགས།། གཅེས་ཤིང་གོང་འཕེལ་མ་གཏང་ན།།
རྩ་བ་རུལ་པའི་སྡོང་པོ་བཞིན།། མི་འདོད་བཞིན་དུ་འགྱེལ་བར་འགྱུར།། ཟེར་གསུངས་ཡོདཔ་བཟུམ་ རང་གི་ལམ་དང་ལུག་སྲོལ་བདག་འཛིན་འཐབ་ཞིནམ་ལས་ རྒྱལ་ཁབ་རང་བཙན་གྱི་ངོ་རྟགས་སྲུང་སྐྱོབས་ལུ་ཕན་ཐོགས་སྦོམ་ཡོདཔ་འབད་དགོཔ་ཨིན།
གཉིས་པ་ རང་བཞིན་གནས་སྟངས་ སྲུང་སྐྱོབས་འབད་ནི་
ཕྱི་མཛེས་པའི་རྒྱན་ ནང་གསོ་བའི་སྲོག་རྩ་ མཐའ་དག་ལས་སྲུང་བའི་ལྕགས་རི་ བར་དགའ་དགུ་སྤྱོད་སའི་གནས་ཆེན་ཕུན་སུམ་ཚོགས་པ་འདི་ སྟོབས་དཔལ་འབྱོར་གྱི་འབྱུང་ཁུངས་དང་ མ་འོངས་བུ་སློབ་ཡོངས་ཀྱི་སྤྱི་ནོར་ཨིནམ་ལས་ བཛེས་ཞིང་བལྟ་ན་སྡུག་པ་ ཐོས་ན་སྙན་གགས་ཆེ་བ་ བསམ་ན་དཔའ་ཉམས་ལྡན་པ་ བསྒོམ་ན་རིག་པ་དངས་བའི་ སྐྱེད་མཚལ་ཚུ་ རྩ་ཁྲིམས་ཆེན་མོ་ནང་འཁོད་པ་བཞིན་ རྒྱ་ཆ་ ༦༠ ཐམ་པ་འདི་ག་དེ་འབད་རུང་ བདག་འཛིན་འཐབ་ཚུགསཔ་འབད་དགོཔ་ཨིན།
གསུམ་པ་ ཡུན་གཏན་ཡར་རྒྱས་ཀྱི་གཞི་རྩ་
འཕྲལ་རྒྱལ་ཁབ་ཀྱི་དཔལ་འབྱོར་ ག་ཅི་ཨིན་རུང་ ཤོ་དང་ཆང་ལ་སྲེད་ན་དོ་མེད།། རང་དོན་ཁོ་ན་གཉེར་ན་རྨོངས་རྟགས།།ཨིནམ་ལས་ མ་འོངས་པའི་མི་རབས་ ཕ་ལས་བུ།། བུ་ལས་ཚ།། འཕྲོ་སྐྱངས་ཏེ་ ལོངས་སུ་སྤྱོད་ཐུབ་བཟོ་ནི་ལུ་ དམིགས་གཏད་དང་དམིགས་ཡུལ་བསྐྱེད་བའི་ཐོག་ཕྱག་ལཱ་མཛད་ནི་འདི་ཤིན་ཏུ་ནས་གལ་ཆེ།
བཞི་པ་ གཞུང་སྐྱོངས་ལེགས་ལྡན་
འཛམ་གླིང་རྒྱལ་ཁབ་རེ་རེ་ནང་ རང་སོའི་སྐྱོངས་ལུགས་མ་འདྲ་བའི་ཁྱད་པར་ལས་ ཁྲིམས་སོ་སོ་ཡོདཔ་བཞིན་དུ་ རང་རེ་འབྲུག་རྒྱལ་ཁབ་ནང་ དུས་ཀྱི་འཕོ་འགྱུར་དང་བསྟུན་ དམངས་གཙོའི་རིང་ལུགས་གཞི་བཙུགས་མཛད་ཡོདཔ་ལས་ སྤྱིར་ཡར་རྒྱས་ཀྱི་གོམ་པ་མདུན་དུ་སྤོ་དགོ་པ་ཅིན་ ངེས་པར་དུ་གཞུང་སྐྱོངས་ལེགས་ལྡན་ བསྒྲིང་བསྒྲིང་དགོཔ་ཨིན། འདི་ནང་ལུ་གཙོ་བོ་ཅིག་ གོང་མའི་སྐྱོངས་ལུགས་བྱམས་བརྩེ་མཐའ་ཚིག་མེད་པ་/ཆ་རྐྱེན་མེད་པ་ བར་མི་སེར་ནང་དོག་ཆུ་དང་ཨོ་མའི་དུས་ཤེས་ འོག་མས་གོང་བཀུར་ལྷག་བསམ་རྣམ་པར་དག་པའི་ཐོག་ལས་འབད་དགོཔ་ཨིནམ་ལས་
འདི་ཚུ་མི་རེ་རེ་བཞིན་གིས་ སེམས་གར་བཞག་སྟེ་ཕྱག་ལཱ་གནང་ཚུགས་པ་ཅིན་ རྒྱལ་ཡོངས་དགའ་སྐྱིད་དཔལ་འཛོམས་དར་ཞིང་རྒྱས་ རྒྱལ་ཁབ་མངའ་ཐངས་འཕེལ་བའི་རྒྱལ་མཚན་བསྒྲེངས་ འབངས་རྣམས་དགའ་སྐྱིད་དཔལ་སྤྱོད་ཉི་མ་ཤར།། །། དགེའོ།།
འཇིག་རྟེན་ནོར་གྱི་གཏེར་མཛོད་ནང་།། འདོད་པ་སུ་ཆེ་སྡུག་བསྔལ་ཆེ།། མཆོག་ཤེས་སུ་ལྡན་བདེ་བ་མཆིས།། དགའ་སྐྱིད་བདག་བློའི་སྟེང་ནས་ཤར།། ཟེར་བའི་མངོན་བརྗོད་དང་བཅས་ ཁྱད་པར་འཕགས་པའི་མཐུན་མོངས་དང་འབྲལ་བ་ ཡོད་ན་མཆོག་དང་མེད་ན་ཐབས་ཆགས་པ། ནད་རྒྱ་དང་སྨན་གཅིག་ལྟ་བུ་ བྱང་སེམས་སྤྲུལ་པའི་ཐུགས་ལས་འཁྲུངས་པའི་ དགོངས་གཏེར་འབྱིན་ཅན་བླ་ན་མེད་པའི་ལྟ་བ་བཟང་པོ་ རྒྱལ་ཡོངས་དགའ་སྐྱིད་དཔལ་འཛོམས་འདི་ ད་རེས་ཆོས་འཚིགས་ཀྱི་དབུས་ དཔལ་ལྡན་འབྲུག་པའི་རྒྱལ་ཁབ་ནང་འབྱུང་མི་ལུ་ བསྐལ་ལྡན་ལས་འཕྲོ་ཅན་ག་རའི་ སྤྱི་མཐུན་ཚོགས་རྒྱ་ཆེན་པོ་བསགས་ཡོད་པའི་ རྟགས་དང་བརྟེན་འབྲེལ་བསྒྲིགསཔ་ཨིན།
ཡང་བདག་པའི་ལྟ་བ་འདི་ལུ་ཡོན་ཏན་ནི་ ནམ་མཁའ་ལྟར་རྒྱ་ཆེ་ རྒྱ་མཚོ་ལྟར་ཚད་མེད་ ཆུ་ཀླུང་ལྟར་ཤུགས་ཆེ་ རི་རྒྱལ་ལྟར་བརྟེན་ཏོག་ཏོ་ཡོདཔ་ལས་ ཚེ་ད་རེས་ནད་ཡམས་མུ་གེ་དང་དམག་ཁྲུགས་བཞིས་ དབུལ་ཕོངས་ཀྱི་དཀའ་སྡུག་བསལ་ བཀྲིས་ཕུན་སུམ་ཚོགས་ ཆར་ཆུ་དུས་སུ་བབས་ ལོ་ཕྱུགས་རྟགས་ཏུ་ལེགས་ནི་ཨིནམ་མ་ཚད་ ཚེ་ཕྱི་མ་ མངོན་མཐོ་ལྷ་དང་མའི་བདེ་བ་ མཐར་ཐུག་མྱང་འདས་སངྱས་ཀྱི་འགོ་འཕང་ཐོབ་ཚུགས་པའི་ སྦྱིན་རླབས་མཁོ་ན་ཡོདཔ་ཨིན།
འ་ནི་བཟུམ་གྱི་འབྲས་བུ་ དངོས་སུ་མཚད་མ་སྦེ་སྨིན་དགོ་པ་ཅིན་ ལག་ལེན་དང་ལྟ་བ་ཕྱིན་ཅི་མ་ལོག་པར་ གཡག་ཏོག་གི་རྩ་བཟའ་བ་ལྟར་བརྩོན་ཞིང་ ཟླ་བ་སྤྲིན་འབྲལ་ལྟ་བུའི་འབྲས་བུ་མྱོང་དགོཔ་ཨིན།
དེ་ཡང་ བློ་སླབ་པ་མི་གཙོ།། ཉན་ལ་གཙོ།། ཟེར་གསུངས་ཡོདཔ་བཞིན་ དང་པ་བརྟག་ལ་མཁས་ བར་དུ་བརྟེན་ལ་དགོངས་ མཐའ་མ་ཉམས་སུ་བླང་ལ་བརྩོན་དགོཔ་ལས་ འདི་གི་ཀ་ཆེན་བཞི་ཧ་དགོ་ནི་འདི་ དམིགས་གསལ་གྱི་ཁག་ཆེཝ་ལས་ བཅུད་བསྡུས་སུ་ཅིག་སྦེ་བཤམ་གསལ་བཀོད་ནི་ཨིན།
དང་པ་ སྐད་རིག་དང་ལམ་སྲོལ་ མི་ཉམས་གོང་འཕེལ་དང་ ཉམས་པ་སོར་ཆུད་འབད་ནི་
འདི་ལུ་ ལུང་པ་སོ་སོའི་འགྲོ་ལུགས།། རྒྱལ་ཁབ་སོ་སོའི་བྱ་གཏང་།། ཟེར་སླབ་སྲོལ་ཡོདཔ་བཞིན་དུ་ རྒྱལ་ཁབ་ཆེ་ཆུང་སུ་ཡིན་ཀྱང་།། ཆོས་དང་རིག་གཞུང་བསམ་སྤྱོད་སོགས།། གཅེས་ཤིང་གོང་འཕེལ་མ་གཏང་ན།།
རྩ་བ་རུལ་པའི་སྡོང་པོ་བཞིན།། མི་འདོད་བཞིན་དུ་འགྱེལ་བར་འགྱུར།། ཟེར་གསུངས་ཡོདཔ་བཟུམ་ རང་གི་ལམ་དང་ལུག་སྲོལ་བདག་འཛིན་འཐབ་ཞིནམ་ལས་ རྒྱལ་ཁབ་རང་བཙན་གྱི་ངོ་རྟགས་སྲུང་སྐྱོབས་ལུ་ཕན་ཐོགས་སྦོམ་ཡོདཔ་འབད་དགོཔ་ཨིན།
གཉིས་པ་ རང་བཞིན་གནས་སྟངས་ སྲུང་སྐྱོབས་འབད་ནི་
ཕྱི་མཛེས་པའི་རྒྱན་ ནང་གསོ་བའི་སྲོག་རྩ་ མཐའ་དག་ལས་སྲུང་བའི་ལྕགས་རི་ བར་དགའ་དགུ་སྤྱོད་སའི་གནས་ཆེན་ཕུན་སུམ་ཚོགས་པ་འདི་ སྟོབས་དཔལ་འབྱོར་གྱི་འབྱུང་ཁུངས་དང་ མ་འོངས་བུ་སློབ་ཡོངས་ཀྱི་སྤྱི་ནོར་ཨིནམ་ལས་ བཛེས་ཞིང་བལྟ་ན་སྡུག་པ་ ཐོས་ན་སྙན་གགས་ཆེ་བ་ བསམ་ན་དཔའ་ཉམས་ལྡན་པ་ བསྒོམ་ན་རིག་པ་དངས་བའི་ སྐྱེད་མཚལ་ཚུ་ རྩ་ཁྲིམས་ཆེན་མོ་ནང་འཁོད་པ་བཞིན་ རྒྱ་ཆ་ ༦༠ ཐམ་པ་འདི་ག་དེ་འབད་རུང་ བདག་འཛིན་འཐབ་ཚུགསཔ་འབད་དགོཔ་ཨིན།
གསུམ་པ་ ཡུན་གཏན་ཡར་རྒྱས་ཀྱི་གཞི་རྩ་
འཕྲལ་རྒྱལ་ཁབ་ཀྱི་དཔལ་འབྱོར་ ག་ཅི་ཨིན་རུང་ ཤོ་དང་ཆང་ལ་སྲེད་ན་དོ་མེད།། རང་དོན་ཁོ་ན་གཉེར་ན་རྨོངས་རྟགས།།ཨིནམ་ལས་ མ་འོངས་པའི་མི་རབས་ ཕ་ལས་བུ།། བུ་ལས་ཚ།། འཕྲོ་སྐྱངས་ཏེ་ ལོངས་སུ་སྤྱོད་ཐུབ་བཟོ་ནི་ལུ་ དམིགས་གཏད་དང་དམིགས་ཡུལ་བསྐྱེད་བའི་ཐོག་ཕྱག་ལཱ་མཛད་ནི་འདི་ཤིན་ཏུ་ནས་གལ་ཆེ།
བཞི་པ་ གཞུང་སྐྱོངས་ལེགས་ལྡན་
འཛམ་གླིང་རྒྱལ་ཁབ་རེ་རེ་ནང་ རང་སོའི་སྐྱོངས་ལུགས་མ་འདྲ་བའི་ཁྱད་པར་ལས་ ཁྲིམས་སོ་སོ་ཡོདཔ་བཞིན་དུ་ རང་རེ་འབྲུག་རྒྱལ་ཁབ་ནང་ དུས་ཀྱི་འཕོ་འགྱུར་དང་བསྟུན་ དམངས་གཙོའི་རིང་ལུགས་གཞི་བཙུགས་མཛད་ཡོདཔ་ལས་ སྤྱིར་ཡར་རྒྱས་ཀྱི་གོམ་པ་མདུན་དུ་སྤོ་དགོ་པ་ཅིན་ ངེས་པར་དུ་གཞུང་སྐྱོངས་ལེགས་ལྡན་ བསྒྲིང་བསྒྲིང་དགོཔ་ཨིན། འདི་ནང་ལུ་གཙོ་བོ་ཅིག་ གོང་མའི་སྐྱོངས་ལུགས་བྱམས་བརྩེ་མཐའ་ཚིག་མེད་པ་/ཆ་རྐྱེན་མེད་པ་ བར་མི་སེར་ནང་དོག་ཆུ་དང་ཨོ་མའི་དུས་ཤེས་ འོག་མས་གོང་བཀུར་ལྷག་བསམ་རྣམ་པར་དག་པའི་ཐོག་ལས་འབད་དགོཔ་ཨིནམ་ལས་
འདི་ཚུ་མི་རེ་རེ་བཞིན་གིས་ སེམས་གར་བཞག་སྟེ་ཕྱག་ལཱ་གནང་ཚུགས་པ་ཅིན་ རྒྱལ་ཡོངས་དགའ་སྐྱིད་དཔལ་འཛོམས་དར་ཞིང་རྒྱས་ རྒྱལ་ཁབ་མངའ་ཐངས་འཕེལ་བའི་རྒྱལ་མཚན་བསྒྲེངས་ འབངས་རྣམས་དགའ་སྐྱིད་དཔལ་སྤྱོད་ཉི་མ་ཤར།། །། དགེའོ།།
No comments:
Post a Comment